Të mërkurën, më 8 maj 2024 në emisionin “Opinion” u trajtua tema “Çfarë turizmi po bëjmë?”
Vitet e fundit turizmi në krahasim me vitet e mëparshme ka patur një shtrirje gati të njëtrajtshme gjatë gjithë muajve të vitit. Vitin e kaluar vendi ynë arriti një rekord turistësh, një fluks i shtuar që në fakt ka qenë i papritur për Shqipërinë. Por pragu i sezonit turistik sjell me vete edhe disa pikëpyetje të mëdha në lidhje me pritshmëritë e turistëve të huaj apo edhe me problemet që ata hasin sapo vizitojnë vendin tonë.
Turizmi shqiptar në vetvete, por edhe problemet që lidhen me shërbimet, transportin ndërqytetës apo edhe çështja kaotike e plehrave janë në fokus të diskutimeve këtë të mërkurë në emisionin “Opinion” në TV Klan.
Të ftuar: Elisa Bilali, Rajmonda Sulaj, Florida Peraj, Zamira Rexhepi, Bardhyl Kuteli, Fatos Qerenishti, Ardian Lika, Arbër Lushi, Bledar Shima, Avnir Pupa
Ndërsa në pjesën e tretë “Opinion” ishte në Maratonën e Jazz-it në trenin Tiranë-Shkodër!
Një udhëtim në vitet 50-të në një tren atipik që brenda mbart edhe një festival Jazz-i. Bëhet fjalë për edicionin e 6-të të The Swing Marathon që nga Tirana do të udhëtojë drejt Shkodrës./opinion.al
