Emisioni “Opinion” vijon të jetë i fokusuar tek akuzat e ngritura nga SPAK për çështjen e klubit Partizani, e cila përfshin brenda akuzës ish-Kryeministrin, Sali Berisha, ndërkohë që dhëndri i tij Jamarbër Malltezi ndodhet i arrestuar që prej më shumë se sa 72 orësh, ndërsa i treti biznesmeni Fatmir Bektashi është dhe ai me masën detyrim paraqitje.
Por çfarë është në vetvete çështja Partizani? Ku janë pikat kryesore që SPAK është përqendruar dhe cilat janë kundër argumentet që vijnë në drejtimin tjetër? Këto janë disa nga pyetjet që janë shtruar gjatë emisionit “Opinion”.
Të ftuar në studio për të folur për këtë temë kanë qenë: Glidona Daci, Ivi Kaso, Artan Hoxha, Genc Gjokutaj, Armand Bajrami.
Ndërsa në pjesën e tretë të emisionit “Opinion”, ka qenë i ftuar në një intervistë doktor Skerdi Faria, i cili ka rrëfyer se si e ka nisur karrierën e tij deri te investimi i madh, klinika “Keit”.
