Të hënën 4 Mars 2024 në emisionin “Opinion” u trajtua tema “Çfarë fshihet pas shpërthimit me 2 të vdekur në Lushnje?Detajet e reja tronditëse”.
Dy persona, babë e bir humbën jetën nga shpërthimi i ditës së premte në Lushnje. Emisioni “Opinion” ka shkuar në vendngjarje për të grumbulluar të dhëna nga ngjarja e së premtes që plagosi 7 persona. Gazetari Blendi Fevziu solli në studio edhe predha e copa metali nga kantieri i ndërtimit. Dëshmi autentike të personave, video që tregojnë momentin e shpërthimit nga kënde të ndryshme, fëmijë që kanë mbijetuar mrekullisht, detaje rrëqethëse, diskutime në studio rreth arsyes së shpërthimit, rrezikut potencial por edhe shpjegimit të aspektit ligjor të ngjarjes. A do të përfitojnë dëmshpërblim familjarët e viktimave? Kush janë përgjegjësit e shpërthimit në Lushnje? Këto janë disa pyetje që janë diskutuar në studio.
Të ftuar në studio për të folur për këtë temë kanë qenë: Merin Maçi, Thoma Melo, Greta Topjana, Anila Nebiu, Edison Hoxha.
Ndërsa në pjesën e dytë dhe të tretë në bashkëpunim me Qendrën Shqiptare për Gazetari cilësore mbështetur nga ambasada amerikane, janë transmetuar dy tema të emisionit 31 minuta. E para flet për ndotjen dhe plehrat. Ndërsa pjesa e dytë është përqëndruar te makinat elektrike.
