Të hënën, më 11 mars 2024 në emisionin “Opinion” është trajtuar tema “Çfarë është inteligjenca artificiale?”.
Drejtuesi i emisionit, Blendi Fevziu, e konsideroi si një nga temat më të vështira që ai ka trajtuar ndonjëherë në këto 28 vite program.
Bëhet fjalë për Inteligjencën Artificiale.
Inteligjenca Artificiale po kthehet në debatin më të madh të globit lidhur me atë se ku po shkon bota. Çfarë mund të realizojë AI? Ku mund të na çojë ajo? Përtej kësaj, vetë Inteligjenca Artificiale ka hapur një debat, kur ajo mund të përdoret në sensin pozitiv, pra për të ndihmuar njerëzimin dhe kur ajo mund të përdoret si një armë ‘vrasëse’? Çfarë është AI në vetvete?
Të ftuar: Xhonald Mamo, Denisa Kele, Erikleo Çapo, Ergys Malo.
Ndërsa në pjesën e dytë të emisionit ka vijuar debati për Inteligjencën Artificiale, por me dy të ftuar të tjerë. Bëhet fjala për Floriana Garon dhe Maris Basha, të cilët kishin një debat “pro” dhe “kundër” Inteligjencës Artificiale.
Dhe në pjesën e tretë të emisionit është një portret i Mira Muratit, njërës prej personazheve të përfshirë në AI, në kupolën e zhvillimit të saj, e cila ka lindur, është rritur, e shkolluar në vitet e para në Vlorë. Më pas është transferuar në Kanada, në Japoni, në SHBA me një jetë mjaft interesante. Dhe u bë shumë e njohur duke ardhur në krye të grupit që merrej me AI.
