Mbrëmjen e 18 marsit në programin “Opinion” u diskutua lidhur me autorin e masakrës së ndodhur në Zelandën e Re, nga ku mbetën të vrarë 50 persona. Çfarë e lidh terroristin e Zelandës së Re me Ballkanin, ishte pyetja që iu shtrua të ftuarve, dhe u nxit nga njohja e thellë që autori, Brenton Tarrant kishte për gadishullin.
Autori i masakrës duket se ka qenë admirues i flaktë i nacionalistëve ballkanas pasi përpos fotove të simboleve nacionaliste të rajonit të postuara në rrjete sociale, gjatë transmetimit live kishte vendosur një këngë këngë serbe që himnizon komandantin e atëhershëm, Radovan Karadxhiç.
Gjithashtu në armët e përdorura në sulm shkruheshin emra udhëheqësish si ai Marko Miljanov Popovic, që i drejtoi malazezët në Luftën kundër Perandorisë Osmane, ai i Bajo Pivljanin, komandanti që u ngrit kundër otomaneve në Bosnjë e Mal të Zi, por edhe ai i Skënderbeut, heroit tonë kombëtar, te cilin agresori duket e shihte si mbrojtës të krishterimit.
Të ftuar për të diskutuar lidhur me këtë temë ishin Ervis Iljazaj, Redi Shehu, Artan Hoxha, Agim Nesho dhe Marinela Soto.
Për më tepër ndiqni videon e plotë të emisionit:
