Të enjten, më 18 prill në emisionin “Opinion” u trajtua tema “Çfarë do të bëjë Kryemadhi me Metën dhe SPAK-un?”.
Në pjesën e parë ishte e ftuar ish-kryetarja e LSI, Monika Kryemadhi, e cila ka qenë në qendër të vëmendjes ditët e fundit me zhvillimet e brendshme të Partisë së Lirisë, me një lloj konflikti politik me ish-Presidentin e Republikës dhe bashkëshortin e saj, Ilir Meta.
Në pjesën e dytë të emisionit u trajtua tema “A provokoi Greqia me kandidimin e Belerit? Për të diskutuar për këtë temë, në studio ishin të ftuar: Shpëtim Idrizi dhe Marin Suli.
Ndërsa në pjesën e tretë të emisionit ishte një histori suksesi, ku instruktori Disi Xhafa tregoi se si ka ndryshuar stili i jetesës, duke kombinuar ushtrimet me palestër me ushqyerje të shëndetshme.
