Këtë të hënë 18 dhjetor 2023 në emisionin “Opinion” u trajtua tema “Berishës i heqin imunitetin, çfarë do të ndodhë me opozitën?”
Komisioni i Mandateve dhe i Rregullores ka votuar për heqjen e imunitetit të Sali Berishës si deputet i Parlamentit të Shqipërisë. Ndërkohë vetë Berisha kishte thirrur një miting për mosbindje civile përpara Kuvendit. “Opinion” është fokusuar te kjo çështje për rreth 57 minuta në pjesën e parë.
Të ftuar në studio për të folur për këtë temë kanë qenë: Mirela Milori, Baton Haxhiu, Mark Marku, Artan Hoxha. Në lidhje skype: Genc Gjokutaj, Klesiana Omeri.
Në pjesën e dytë të “Opinion”, është transmetuar një material për kompaninë Coca Cola, e cila është në një tranzicion drejt kalimit në zero emetim karboni deri në vitin 2030 me makina elektrike që nuk kanë ndotje dhe njëkohësisht me rreth 60 përqind të nevojave të energjisë së saj të siguruara me panele diellore.
Ndërsa në pjesën e tretë është transmetuar një intervistë me Nathaniel G. Imperial, Ambasador i Republikës Filipine në Romë që mbulon edhe Shqipërinë, i cili flet për raportet e Shqipërisë me Filipinet dhe për praninë e filipinasve në vendin tonë.
