Të enjten në mbrëmje, në emisionin “Opinion” ishte i ftuar kryetari i Partisë Demokratike Sali Berisha.
Ish-kryeministri ishte përballë dy gazetarëve.
Emisioni u fokusua te 3 temat kryesore, ajo që ka ndodhur me Erion Veliajn, raporti që po ndërton SPAK me politikën shqiptare, fushata e PD që ka sjellë në Tiranë një nga strategët e fushatës së Trump.
Çfarë po ndodh me Partinë Demokratike në prag të fushatës? Kush do të jenë koalicionet? A do të ketë koalicione me të gjitha partitë? Si do të përfshihen listat?
Të ftuar: Sali Berisha, Gerta Zaimi, Fatos Hakorja
Në pjesën e fundit të emisionit “Opinioin”, historitë e së enjtes. Kliton Malaj, një kirurg dentar që nisi punën si student me 80 euro në muaj rrogë në një prej klinikave dentare të Tiranës dhe sot ka ndërtuar një spital dentar ku 50% e klientëve janë shqiptarë dhe 50% të huaj. Është historia e pabesueshme e një njeriu që erdhi të jetonte në konvikt në Tiranë pa pasur asgjë dhe falë dëshirës së tij për të pasur një sipërmarrje, ka arritur të ketë një spital prej 6 katesh në qendër të Tiranës. Historia është interesante sepse tregon dëshirën e një të riu për të çarë në një qytet që nuk e njihte, por ia ka dalë.
