Dy prej banorëve të Zharëzit kanë qenë të ftuar sot, në emisionin Opinion, ku kanë shprehur edhe shqetësimin e tyre për lëkundjet dhe shpërthimet e tokës. Sipas banorëve përpara vitit 2004 nuk ka patur lëkundje dhe këto shpërthime janë shkaktuar nga kompania Bankers Petroleum. “Eksperti ma ka nxjerr shtëpinë të pa banueshme. Lëkundje nuk ka patur më përpara, por që kur ka filluar punimet Banker Petrolium”, është shprehur Banori.
Banorët e Zharëzit shprehen se dëmtimet e shtëpive të tyre janë shumë të mëdha. Po ashtu banorët treguan se nuk kanë gjetur zgjidhje tek autoritetet vendore ndaj dhe kanë vendosur të vijnë në protestë duke ecur për 4 ditë më këmbë drejtë Tiranës. Ata thanë se do të vazhdojnë rezistencën e tyre përpara Ministrisë së Energjetikës./opinion.al
