Të mërkurën 17 janar 2024 në emisionin “Opinion” u trajtua tema “Babai vret përdhunuesin e vajzës, pro dhe kundër!”.
Një ngjarje e rëndë ndodhi një javë më parë në Greqi, ku Fatmir Talellari, 50 vjeç vrau kunatin, Erjon Pelivani, 33 vjeç pasi ky i fundit abuzonte me vajzën e tij prej 9 vitesh. Ka qenë vajza, e cila tashmë është 18 vjeçe, që ka rrëfyer gjithçka dhe se si e shantazhonte Pelivani.
Talellari e kishte vajzën me gruan e parë e cila kishte ndërruar jetë disa vite më parë. Me të kishte edhe dy vajza të tjera. Ndërsa disa vite më vonë ishte martuar me një grua tjetër, motrën e Erjon Pelivanit me të cilën kishte edhe një djalë.
Kjo ngjarje kaq e rëndë dhe tragjike ka marrë vëmendjen e opinionit publik në Greqi dhe jo vetëm. Këtë të mërkurë në emisionin “Opinion” në Tv Klan u fol pikërisht rreth kësaj çështje.
Të ftuar në studio për të folur për këtë temë kanë qenë: Eda Gemi, Ylli Gurra, Suela Kocibellinj, Blerina Bombaj.
Në pjesën e dytë “Opinion” është fokusuar te virozat e stinës.
Të ftuar në studio për të folur për këtë temë: Ilir Alimehmeti, Arian Mezini, Sonila Brati.
Në pjesën e tretë “Opinion” është fokusuar te përvjetori I vdekjes së heroit kombëtar shqiptar Gjergj Kastriot Skënderbeu.
Për më tepër ndiqni emisionin “Opinion”.
