Të ftuar: Mirela Milori, Gerta Zaimi, Fitim Zekthi, Agim Nesho, Ermal Jauri
Në lidhje direkte, Keida Kostreci
Në orët e para të mëngjesit të së shtunës me orën europiane, janë dëgjuar sulme në Caracas, Venezuelë. Autoritetet amerikane heshtën derisa Trump deklaroi arrestimin e presidentit Nicolas Maduro dhe gruas së tij. Arrestimi zgjati vetëm 47 sekonda, kurse operacioni ushtarak rreth 2 orë e 30 minuta. 150 avionë e helikopterë u ngritën në ajër nga 20 baza, u përdor një prej njësive më elitare amerikane, Delta. Pjesa tjetër hap debatin nëse një vend sovran mund të sulmohet dhe lideri të arrestohet . Maduro akuzohet për trafik narkotikësh dhe posedim armësh. Ai doli sot para një gjykate amerikane në New York bashkë me të shoqen. Seanca e radhës është caktuar më 17 mars.
