Mbrëmjen e të martës emisioni “Opinion” u fokusua në protestën e tretë që zhvillon opozita, e cila u shoqëruan me tensione të shumta mes protestuesve dhe forcave të policisë.
Duket sikur ka një lloj monotonie në përsëritjen e protestave për arsye se argumenti mbetet po ai. Megjithatë diskutimi me të ftuarit në studio u shtri në një rrafsh më të gjerë, tek takimi që pati kryeministri Edi Rama me emigrantët shqiptarë në Londër.
Të ftuar: Gerta Zaimi, Alfred Lela, Prec Zogaj, Tedi Kopliku. Dhe në një lidhje live ishte Luçiano Boçi.
Në pjesën e dytë dhe të tretë të emisionit “Opinion” u trajtua një histori mjaft e veçantë. Bëhet fjalë për historinë e këngëtares së njohur Elsa Lila e cila u mbyll për 55 ditë në një nga burgjet Romës. Historinë e saj këngëtarja vendosi që të tregonte në një libër. Një libër i cili përshkruan me një realizëm të frikshëm 55 ditët e saj në burg, që në momentin e parë që hyri në burg dhe deri në ditën e 55 ku ajo u la e lirë. Me anë të fjalëve Elsa Lila përshkruan realitetin e burgut dhe jetesën brenda tij.
