Të mërkurën 6 Mars 2024 në emisionin “Opinion” u trajtua tema “A ishte Beleri në vrasjen e ushtarëve shqiptarë?”.
Ky do të jetë një emision i parë në disa aspekte. E para do të jetë një shikim i vendimit të tij të gjyqit, më pas e shkuara e tij dhe e treta, çfarë solli kandidimi i Belerit.
Të ftuar në studio për të folur për këtë temë kanë qenë: Marin Suli, Artan Hoxha, Afrovita Dimojani, Redi Shehu, Eugen Gjyzari.
Po ashtu në “Opinion” është diskutuar edhe për një ngjarje që ka tërhequr vëmendjen e opinionit publik. 13-14 vjet pas lidhjes së tyre dhe 8 vjet pas një prej dasmave më të bujshme në histori të shekullit të 20 në Shqipëri, e mbas një divorci të deklaruar në rrjetet sociale më shumë sesa drejtpërdrejtë, Princ Leka dhe Elia Zaharia janë përfshirë në një skandal. Ishte më tepër një video skandal, i cili që në momentet e para ka bërë xhiron e rrjeteve sociale.
I ftuar në studio për të folur për këtë temë ka qenë gazetari: Merin Maçi.
Ndërsa në pjesën e tretë është transmetuar një intervistë me Bekim Jasharin me rastin e përvjetorit të qëndresës së Adem Jasharit dhe familjes së tij, të cilët humbën jetën për t’i dhënë një hov lëvizjes së rezistencës në Kosovë dhe për të tërhequr vëmendjen e ndërkombëtarëve.
