Opinion nga Blendi Fevziu, emisioni politik më i ndjekur dhe më i preferuar në ekranet shqiptare. Arena e politikës shqiptare që prej 31 Gushtit 1997. Komente, analiza, debate, intervista, personazhe, dëshmi dhe fakte konkrete. Ngjarjet më të fundit dhe më të rëndësishme në jetën politike dhe sociale të vendit, me debatet, opinionet dhe analizat e të ftuarve në studio.
Të Ftuar: Ornela Cuci, Jordan Daci, Agim Nesho, Mirela Milori, Arber Hitaj, Mark Marku
Në 9 nëntor, sipas dekretit të Presidentit të Republikës, Tirana do të hyjë në zgjedhje të parakohshme për kryetar bashkie. Do të jetë një mandat i kufizuar deri ën vitin 2027 dhe pa zgjedhje këshillat e bashkisë. Bashkë me Tiranën do të ndërhyhet edhe në 5 bashki të tjera: Vlorë, Berat, Tepelenë, Mat dhe në Cërrik. Një pjesë e bashkive nuk kanë pasur asnjë lloj kontestimi sepse janë çështje që lidhen me boshllëqe të krijuara si pasojë e kandidimit për parlamentin ose probleme tyret, ndërkohë që pika më e nxehtë është bashkia e Tiranës. Pas masës së arrestit për Erion Veliajn në shkurt të këtij viti, këshilltarët bashkiakë të PD dhe opozitës kërkuan në maj që të shkarkohej Veliaj. Mazhoranca s’e mori parasysh, por në shtator Rama vendosi që të shkarkohej Veliaj për t’i hapur rrugë mirëmenaxhimit të qytetit. Menjëherë pas vendimit politik të Partisë Socialiste, këshilltarët bashkiakë shkarkuan Veliajn duke i çuar kryeministrit vendimin e shkarkimit. Ai e firmosi dhe ia dërgoi presidentit për datën. Erion Veliaj e dërgoi çështjen në Gjykatën Kushtetuese duke kërkuar që të pezullohen zgjedhjet në Tiranë dhe të quajë të pavlefshëm vendimin e këshillit bashkiak sepse mungesa e tij nuk kishte qenë pa leje. Çfarë sjellin zgjedhjet në Tiranë?
