Të martën në studion e emisionit “Opinion” u diskutua për sa i përket sigurisë së fëmijëve. Pyetjet që do të shtrohen, janë pyetje të cilat shqetësojnë padyshim çdo familje shqiptare, por jo vetëm.
Duke u mbështetur në realitetin e vendit tonë, lenë vend për t’u diskutuar se cilat janë rreziqet që po përballen fëmijët në këtë kohë moderne, ku ndryshimet janë shumë të shpejta dhe zhvillimi teknologjik ka një ritëm të jashtë zakonshëm.
Të ftuar: Alketa Brraka, Arlinda Garuci, Eris Dhamo, Amarildo Belshi, Dritan Todhe, Erges Eskiu, Mirgit Vataj
Në pjesën e dytë të emisionit “Opinion” kryetarja e Komisionit të Çështjeve Europiane dhe kryetare e Këshillit të Integrimit, Jorida Tabaku ka dhënë një intervistë për gazetaren Sibora Bitri, në të cilën flet për të gjithë rrugën që ka Shqipëria dhe vështirësitë që i kanosen.
Në pjesën e tretë ishte një histori suksesi e modës. Stefano Ricci është padyshim një ndër personazhet më të rëndësishëm të botës së modës. Ai e nisi karrierën e tij në Firence duke qepur kravata dhe sot është një prej ikonave të “Altamod-ës” në të gjithë botën. Tre përfaqësuesit e Riccit të cilët ishin në Tiranë rrëfyen gjithashtu rrugëtimin e kompanisë në zhvillimin e saj. /opinion.al
