Kreu i Partisë Demokratike, Sali Berisha ka ngritur akuza ndaj kreut të Prokurorisë së Posaçme, Altin Dumani lidhur me operacionin “Ura”.
Në një dalje për mediat, Berisha deklaron se Dumani e vonoi operacionin për qëllime elektorale.
Sipas tij, kreu i SPAK ka mashtruar Antimafian italiane dhe thekson se vetëm kjo e fundit ka ndihmuar në zhvillimin e këtij operacioni.
“Çfarë mendoni ju se Antimafia Italiane e ka bërë për qëllime elektorale vonimin?
Jo, ia ka vonuar Dumani për qëllime elektorale Antimafias Italiane. Ka mashtruar Antimafian Italiane si ordiner. Se kemi operacion tani, se na prish punë tani…
Dhe Poja çau ferrën. Kush e njoftoi Elvis Doçin dhe të tjerët?
Kush i njoftoi?
Këtu janë të gjithë bashkë.
Po mos qe për antimafian italiane Ervis Poja dhe gjithë ajo kompani do ishin duke pirë verë me Edi Ramën”, tha Berisha.
Kujtojmë se edhe një ditë më parë, Berisha bëri po të njëjtat deklarata ku theksoi se eksponentët kryesorë të kërkuar nga ky operacion ndërkombëtar u njoftuan dhe ikën.
