32 persona janë arrestuar në qarkun e Vlorës në kuadër të operacionit “Tempulli 2”. Mësohet se 11 persona janë arrestuar për akuzat për veprën penale “Prodhim dhe shitja e lëndëve narkotike”.
Po në kuadër të këtij operacion të zhvilluar më herët, gjatë muajve dhjetor 2023 – janar 2024, në qarkun Vlorë janë vënë në pranga 21 shtetas, për veprën penale “Prodhim e shitje e lëndëve narkotike”.
Gjatë megaoperacionit “Tempulli 2”, janë sekuestruar:
* 503 kg kanabis, 3190 doza kokainë, 408 doza heroinë;
* 35 000 lekë, 400 euro;
* 2 armë gjahu, një sasi municioni luftarak, 8 peshore eletronike;
* 12 automjet dhe 45 aparate celularë.
Materialet procedurale i kaluan Prokurorisë, për veprime të mëtejshme.
