Një operacion ndërkombëtar anti-drogë i zhvilluar kryesisht në Itali por me përfshirjen edhe të policisë shqiptare, vuri në pranga 16 persona prej të cilëve 2 në Shqipëri.
Konkretisht ata janë Elison Hysenbelli (H. D. alias E. D.), 40 vjeç, banues në Bathore, Tiranë dhe Jurgen Duka (Mëziri), 28 vjeç, banues në Kamzë, Tiranë.
Jurgen Duka (Mëziri) rezulton të ketë qenë i arrestuar në Tiranë në vitin 2015 për rrëmbimin e një vajze 22-vjeçare. Ai ishte denoncuar nga nëna e vajzës se e kishte rrëmbyer atë me dhunë.
Operacioni “Rivera”, i zhvilluar në të njëjtën kohë në Itali e Shqipëri, kishte si qëllim goditjen e një grupi të organizuar kriminal, të përbërë kryesisht nga shtetas shqiptarë, me aktivitet trafikimin e narkotikëve në rajonin Emilia Romagna, Itali. /Opinion.al
