Policia e Durrësit ka kryer një aksion mbrëmjen e djeshme të quajtur “Mbrëmja” ku në qendër të këttij operacioni ka qenë lufta kundër drogës. Gjatë këtij aksioni janë sekuestruar 444..5 gramë heroinë, një armë e ftohtë dhe 124 fishekë. Si edhe një peshore mekanike dhe elektronike. Policia ka shpallur në kërkim shtetasin B. K.
Policia njofton se shtetasi B.K, pronari i banesës, nuk ndodhej në banesë në momentin e kontrollit dhe është shpallur në kërkim ku vijon puna për kapjen e tij. Specialistët për Hetimin e Narkotikëve në Drejtorinë Vendore të Policisë Durrës në bashkëpunim me Specialistët për Krimet në Komisariatin e Policisë Shijak, në bazë të informacioneve të siguruara në rrugë operative se një shtetas dispononte një sasi lënde narkotike të llojit Heroinë, kanë organizuar dhe zhvilluar operacionin antidrogë të koduar “Mbrëmja”. Gjatë kontrollit të ushtruar në banesën e shtetasit B.K. në Shijak u gjetën dhe u sekuestruan në cilësinë e provave materiale: • 447.5 gramë lëndë narkotike e dyshuar e llojit Heroinë; • një peshore mekanike dhe një peshore elektronike; • një thikë me gjatësi 27 cm dhe • 124 copë fishekë model 56. Shtetasi B.K, pronari i banesës, nuk ndodhej në banesë në momentin e kontrollit dhe është shpallur në kërkim ku vijon puna për kapjen e tij Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale ” Prodhimi dhe shitja e narkotikëve”, “Prodhimi dhe mbajtja pa leje e armëve luftarake dhe e municionit” dhe”Prodhimi dhe mbajtja pa leje e armëve të ftohta” parashikuar në nenet 283/1, 278/4 dhe 279 të Kodit Penal.
