Ministri i brendshëm Taulant Balla ka publikuar pamjet nga operacioni i SPAK ditën e sotme.
Nëpërmjet një postimi në rrjetet sociale, Balla u shpreh se lufta kundër krimit të organizuar falë bashkëpunimit me SPAK dhe agjencitë e tjera ligjzbatuese, si dhe vetëpastrimi i Policisë së Shtetit nga punonjësit e Policisë të lidhur me ta, janë të pandalshme dhe po japin rezultate.
Balla theksoi se përmes kësaj veprimtarie po rriten parametrat e sigurisë në komunitet si edhe po krijohet një trupë policore e denjë dhe me integritet.
Ministri Balla: Lufta kundër krimit të organizuar falë bashkëpunimit me SPAK dhe agjencitë e tjera ligjzbatuese, si dhe vetëpastrimi i Policisë së Shtetit nga punonjësit e Policisë të lidhur me ta, janë të pandalshme dhe po japin rezultate për rritjen e parametrave të sigurisë në komunitet, krijimin e një trupe policore të denjë dhe me integritet si dhe për rritjen e besimit të qytetarëve tek Policia e Shtetit. Besimi i qytetarëve është elementi kyç që Policia të përmbushë misionin e saj.
Kujtojmë se ditën e sotme SPAK ka lëshuar 43 urdhër arreste pas zbardhjes së disa ngjarjeve kriminale në qytete të ndryshme të Shqipërisë.
Linku i videos:
