Ish-kryeministri, Sali Berisha, ka reaguar për herë të parë në lidhje me operacionin e SPAK, ku u arrestua Erzen Breçani, ndërsa djali i tij u shpall në kërkim.
Në një konferencë për mediat, Berisha tha se Erzen Breçani nuk ka qenë kurrë bodigardi i tij, por shtoi se ky i fundit se ka qenë një polic i vlerësuar në detyrat që ka pasur.
Më tej Berisha theksoi se pavarësisht kësaj, kushdo person që shkel ligjin duhet të bëhet përgjegjës dhe të dalë para drejtësisë.
“Së pari të garantoj se nuk ka qenë kurrë Badigardi i Sali Berishës, nuk ka qenë, jo se Berisha ka pasur ndonjë vërejte për të. Ai ka qenë polic i vlerësuar në krye të detyrës në të gjitha postet që ka pasur. Ai ka qenë në mos gaboj nën drejtor i policisë së Tiranës, ka punuar në forcat speciale.
Së dyti për Erzen Brecanin dhe për cdo njeri tjetër Berisha ka një qëndrim, ligjin ligjin dhe vetëm ligjin. Kush ka shkelur ligjin ë bëhet përgjegjës.
Së treti dua ti them atij anëtarit të bandës Bajri që deklaron se ajo kulla e Matës qenka e një të afërmit të mi, unë kërkoj që ajo të konfiskohet. Por i them anëtarit të bandës Bajri mirë është të shkojë dhe të japë llogari dhe mos mendoje se do kalojë krimet që ka kryer në emër të bandës duke shpifur e trilluar poshtë e përpjetë. Ai është anëtar i paguar i bandës, me dokumente.
Çdo njeri që shkel ligjin duhet të marrë atë që meriton. Pavarësisht se kush është. Unë nuk kam mbrojtur asnjë shkelës ligji”, tha Berisha në nje konferencë për gazetaret./Opinion.al
