Policia e Shtetit ka reaguar pas operacionit policor të ndodhur në Astir, Tiranë ku një shtetase denoncoi se ishte dhunuar nga disa persona dhe u mbyll në banesë.
Menjëherë pas këtij veprimi, është dashur që forcat RENEA të hyjnë në banesë nga tarraca e pallatit.
Sipas uniformave blu mësohet se vazja ndodhet nën kujdesin e stafit mjekësor, ndërsa në një banesë tjetër janë gjetur 2 armë zjarri.
“Në vijim të informacionit të dhënë pak më parë, ju informojnë se:
Rreth orës 14:10, u bë hapja e derës së banesës nga Forcat “Renea”, nuk pati probleme.
Shtetasja S.Q, ndodhet nën asistencën e stafit mjekësor. Nga këqyrja paraprake nuk konstatohen shenja të dukshme fizike.
Gjithashtu, gjatë kryerjes së veprimeve të ngutshme hetimore dhe kontrollit të apartamenteve të tjera në pallatin në fjalë, në një banesë tjetër janë gjetur 2 armë zjarri pistoletë. Brenda kësaj banese nuk janë gjetur persona në momentin e kontrollit”, njofton policia.
Grupi hetimor po kryen veprimet përkatëse me qëllim zbardhjen e plotë të ngjarjes dhe identifikimin e poseduesit të armëve./Opinion.al
