Shkatërrohet një rrjet prostitucioni online në kryeqytet. Operacioni policor i koduar “Chat Line 3” ka çuar në pranga 7 persona.
Mes të arrestuarve është dhe administratorja e studios “Chat Line” Dafina Tresa 32 vjeçe dhe shtetasi Artur Bakalli.
Dy të arrestuarit në bashkëpunim me njëri-tjetrin shfrytëzonin vajza të reja për prostitucion virtual.
Pesë nga vajzat janë arrestuar ndërsa një tjetër është proceduar në gjendje të lirë.
“Nga puna e mirëorganizuar hetimore ka rezultuar se shtetasja Dafina Tresa, 32 vjeçe, prej një kohe të gjatë punësonte vajza të moshave të reja dhe i shfrytëzonte ato për prostitucion virtual, i cili zhvillohej ndërmjet logimit në faqet “Adult Work”, aktivitet të cilin e kryenin në një apartament në bulevardin “Bajram Curri”, njoftoi policia në njoftimin për mediat.
Të arrestuarit
– Dafina Tresa, 32 vjeçe, banuese në Tiranë, administratore e studios “Chat Line”.
– Artur Bakalli, 33 vjeç, banues në Tiranë.
– Xh.B., 21 vjeçe, banuese në Tiranë.
– A.B., 20 vjeçe, banuese në Tiranë.
– E.D., 21 vjeçe, banuese në Tiranë.
– K.B., 19, vjeçe, banuese në Tiranë.
– A.K., 19 vjeçe, banuese në Tiranë.
Ndiqet në gjendje të lirë
– B.D., 17 vjeçe, banuese në Tiranë.
Sekuestrohen në cilësinë e provës materiale:
– 9 njësi kompjuteri.
– 9 ekrane kompjuteri.
– 9 kamera për komunikim video online.
– 2 lap-topë.
– 16 lodra plastike të seksit
– sende të tjera të cilat përdoren si lodra seksuale.
Materialet iu Referuan Prokurorisë së Rrethit Gjyqësor Tiranë, për veprat penale “Shfrytëzim të Prostitucionit” dhe “Mbajtjes së lokaleve për prostitucion” për shtetasen Dafina Tresa, për veprën penale “Shfrytëzim i Prostitucionit” për shtetasin Artur Bakalli, ndërsa për shtetaset Xh.B., A.B., E.D., K.B., A.K., dhe B.D., për veprën penale të “Prostitucionit”.
