Ai njihet si një nga blogerët më të famshëm në Shqipëri. Olti Curri, teksa ishte në emisionin “BOOM” në Ora News me gazetaren Fiori Dardha dhe Rozana Radin, tregoi edhe për kunjat që ka me disa personazhe të njohur, të cilët, sipas tij, e marrin në telefon direkt kur kanë ndonjë pakënaqësi për statuset thumbuese që blogeri bën në profilin e tij në FB dhe Instagram.
Pas çdo thumbi të tij ka dhe kritika që kanë përfunduar edhe deri në gjykatë.
Olti Curri: Të bën përshtypje një gjë. Personazhet e njohura nuk të marrin asnjëherë për të falenderuar që ti i promovon, nëse tenton ti ngacmosh pak fare të marrin në telefon. Dhe e di çfarë thonë të gjithë: Unë vetë nuk të lexoj, nuk e hap fare faqen tënde por më thanë këto të shtëpisë. Kam pasur personazhe që më kanë çuar deri në gjyq megjithatë gjërat janë zgjidhur. Janë tërhequr personat që e kanë nisur me inat këtë punë, e kanë kuptuar që është budallallëk i madh. Unë kam pasur probleme të llojit: Pse shkruajte këtë për mua. Nuk është se jam kapur për flokësh siç ka ndodhur me persona që nuk dua tu përmend emrin.Kam pasur gjëra të lehta.Prandaj i mbaj flokët e shkurta.
