Aktorja Olta Gixhari ka përgenjështruar menjëherë lajmin e shpërndarë nga mediat on-line se është dashuruar me një biznesmen të njohur nga Tirana.
Nëpërmjet profilit të saj në facebook, Gixhari shkruan se mora vesh nga portalet që dikush, një biznesmen i madh është i marrosur pas meje.
“Meqenëse unë s’njoh asnjë të tillë dhe meqë mediat emrin ende s’ja dinë s’më mbetet veçse të pres dhe të shoh me kë më kanë bërë çift. E derisa pena e tyre e ndrritur të vendosi T’JA SHKRUAJ EMRIN, unë do të mbetem përsëri single”, shkruan ajo.
Lajmi i botuar më parë në media:
Titulli: Olta Gixhari hidhet në krahët e një biznesmeni?
Jeta private e Olta Gixharit është një nga më të për folurat në media. Aktorja e njohur ka pushtuar shpesh vëmendjen e të gjithëve me historitë e saj të dashurisë, për të cilat vazhdimisht ka heshtur.
Lidhja e saj me studentin disa vjet më të vogël ishte romanca më e fundit e aktores, e cila, edhe pse u publikuan dhjetëra foto të përbashkëta të tyre, nuk e konfirmoi kurrë. Por, tashmë pas ndarjes me 22- vjeçarin Xhek Nasufi, Olta duket se ka nisur një lidhje të re.
Këtë herë nuk bëhet fjalë për ndonjë djalosh më të vogël se ajo, por për një biznesmen, i cili duket se prej pak kohësh ka arritur ta bëjë për vete Gixharin. Burime të “Bluetooth” kanë rrëfyer se Olta tashmë prej disa kohësh shoqërohet me biznesmenin nga Tirana, i cili thuhet se është totalisht i marrosur pas saj. Personi në fjalë shihet vazhdimisht me aktoren e njohur, e cilësuar madje edhe si një nga vajzat më seksi të skenës shqiptare.
Ndonëse raporti i tyre është ende në hapat e parë, sipas burimeve, ata janë lidhur shumë me njëritjetrin. Biznesmeni, i njohur në fushën e tij, por i panjohur për publikun e gjerë, thuhet ta ketë mbushur me dhurata dhe vëmendje Gixharin, e cila në të vërtetë njihet si një vajzë që e pëlqen protagonizmin. Sidoqoftë, deri tani, për lidhjen më të re Gixhari nuk ka zbuluar asnjë detaj.
Madje, ajo është përpjekur ta mbajë të fshehur, larg vëmendjes së publikut. E në fakt, aktorja kështu është sjellë në të gjitha rastet kur në pyetje ka qenë jeta e saj private.
