Zyra e OKB-së për të drejtat e njeriut thotë se të paktën 902 civilë janë vrarë në Ukrainë nga 24 shkurti deri në mesnatën e 19 marsit. 1,459 persona të tjerë janë plagosur, kryesisht nga bombardimet ajrore.
Megjithatë, numri i vërtetë i vdekjeve ka të ngjarë të jetë shumë më i lartë.
Më herët, zëvendëskryeministri i Ukrainës tha për Sky News se numri i vdekjeve të civilëve është “shumë më i madh se ai i forcave të armatosura të Ukrainës”. Në qytetin e rrethuar të Mariupolit, ka më shumë njerëz të vdekur që nga fillimi i pushtimit, megjithëse nuk është e qartë se sa prej tyre janë civilë.
