Që prej fillimit të fillimit të luftës së Izraelit me Hamasin janë vrarë më shumë se 10.000 gra.
Këto shifra janë botuar ditën e martë sipas vlerësimeve të UN Women në një raport.
“Gjashtë muaj pas luftës, 10,000 gra palestineze në Gaza janë vrarë, mes tyre rreth 6,000 nëna, duke lënë 19,000 fëmijë jetimë,” thuhet në raport, shkruan CNN.
Raporti deklaroi gjithashtu se më shumë se 1 milion gra dhe vajza palestineze në Rripin e Gazës po përballen me “uri katastrofike”, pa pothuajse asnjë akses në ushqim , ujë të pijshëm të sigurt, tualete funksionale ose ujë të rrjedhshëm, duke krijuar rreziqe kërcënuese për jetën.
“Një fëmijë lëndohet ose vdes çdo 10 minuta”, sipas raportit.
