TIRANE- Rreth 27 kilogram cannabis sattiva, një automatik, një pistoletë, fishekë, etj. janë sekuestruar nga policia e Tiranës mëngjesin e sotëm.
Aksioni policor është kryer në periferi të Tiranës dhe të arrestuarit janë: Fatmir Haka, 33 vjeç, banues në Tiranë,me detyrë nën oficer në repartin e Zallherit. Ylber Tahiri, 42 vjeç, banues në Tiranë, Arben Metaj, 28 vjeç, banues në Tiranë, Urim Haka, 22 vjeç, banues në Tiranë, Valter Dedndreaj, 30 vjeç, banues në Tiranë, Fatjon Hoxha, 30 vjeç, banues në Tiranë.
Policia përmes një njoftimi për mediat tha se kishim informacion se në banesën e Fatmir Hakës, personat e lartë përmendur po shkëmbenin një sasi lënde narkotike të llojit cannabis sattiva e cila do të transportohej me një automjet tip BMW me targa AA 933 BX.
Paradite e sotme është konstatuar automjeti tip BMW ngjyre gri me targa “AA 993 BX ”, në momentin që ky mjet hyri në banesën e oficerit të Zallherrit. Operacioni tha policia u krye, pikërisht në banesën e shtetasit Fatmir Haka.
Gjatë kontrolllit të automjetit tip BMW me targa “AA 993 BX” në bagazhin e saj ndodheshin 4 thasë të bardhë të mbushura me lëndë narkotike e dyshuar e llojit Cannabis Sattiva, ndërsa tek këmbët e pasagjerit në sediljen e parë është gjetur një qese plastike me ngjyrë të zezë ku brenda saj kishte lëndë narkotike e dyshuar e llojit Cannabis Sattiva.
Nga kontrolli i ushtruar në automjet , ne sediljen e pasme u gjet dhe sekuestrua një armë zjarri automatike Model 56 së bashku me një karikatore më 27 (njëzetë e shtatë) fishekë luftarak.
“Sqarojmë se arma e zjarrit tip pistolete eshte gjetur nga kontrolli i ushtruar ne banese”, thotë policia e Tiranës.
