Federata Shqiptare e Futbollit ka vendosur si asnjëherë më parë të lëshojë oferta bujare për çmimet e biletave në ndeshjet e ardhshme të Kombëtares. Këtë e ka bërë publike vetë Federata, me anë të një postimi në “Facebook”, ku paraqet ofertat për biletat e Litenshtenjit dhe Italisë. Ja se çfarë mund të përfitojnë qytetarët:
Statusi i plotë:
Federata Shqiptare e Futbollit lançon një promocion të trefishtë:
1.Biletat për ndeshjen kundër Lihtenshtejnit do të jenë me 20% zbritje për javën e parë të shitjes. Më saktësisht, çmimet e mëposhtme do të jenë të vlefshëm deri në datën 14 gusht 2017. Më pas biletat do të ofrohen me çmim të plotë.
Tribuna B3 =8.000 lekë
Tribuna B2 + B4=6.400 lekë
Tribuna A1 + A4=6.400 lekë
Tribuna B1 + B5=4.800 lekë
Tribuna E=2.400 lekë
Tribuna D=1.600 lekë
Tribuna G1=1.200 lekë
Tribuna G2=800 lekë
- Për herë të parë FSHF ofron një mundësi unike. Të gjithë të interesuarit kanë mundësi në këtë javë të promocionit të blejnë biletë dyshe, bashkë me ndeshjen e Lihtenshtejnit mund të blejnë edhe biletën e ndeshjes kundër Italisë, e cila do të luhet në Shkodër.
- Së fundmi, çdo tifoz, me cilëndo biletë nga dy zgjedhjet më lart mund të blejë në dyqanin zyrtar të FSHF-së me zbritje fantastike deri në 50 %.
