Organizata Botërore e Shëndetit është shprehur se aktualisht ka rreth shtatë ose tetë kandidatë “kryesorë” për një vaksinë për të luftuar koronavirusin.
Drejtori i Përgjithshëm i OBSH-së ka deklaruar se përpjekja për të gjetur një vaksinë ishte ndihmuar nga 7.4 miliardë euro të premtuara një javë më parë nga drejtuesit e 40 vendeve, organizatave dhe bankave për kërkime, trajtimi dhe testimi.
“Tani kemi kandidatë të mirë. Më kryesorët janë rreth shtatë, tetë. Por ne kemi më shumë se njëqind kandidatë. Ne jemi duke u përqendruar këta kandidatë, të cilët mund të sjellin rezultate më të mira dhe të përshpejtojnë punën,”- tha Tedros.
Pavarësisht lajmit të mirë për zhvillimet në kërkimet e gjetjes së vaksinës, ai nuk identifikoi se kush janë kandidatët kryesorë./ Opinion.al
