Presidenti amerikan Barack Obama ka folur për herë të parë pas rezultatit të zgjedhjeve. Në një konferencë për shtyp nga Shtëpia e Bardhë, Obama siguroi se do të ketë kalim paqësor të pushtetit.
Ai bëri me dije se ka folur me fituesin Trump ditën e djeshme duke e uruar për fitoren dhe e ka ftuar në Shtëpinë e Bardhë për të diskutuar. Sipas Obamës, kalimi paqësor është shenjë demokracie dhe një gjë të tillë, ne do ja tregojmë botës.
“Një ditë pas zgjedhjeve jemi të gjithë në të njëjtën skuadër, as demokratë as republikanë por amerikanë dhe duam më të mirën për këtë vend. Vendit i duhet unitet, rregull dhe respekt për njëri-tjetrin”.
Presidenti i SHBA-ve, në detyrë, u shpreh se i thashë skuadrës time sot ta mbanin kokën lart sepse puna e mrekullueshme që kanë bërë u ka kërkuar shumë vëmendje për ta kryer dhe duhet të jenë shumë krenarë për veten e tyre dhe çdo gjë që kanë bërë.
Obama theksoi se ne duhet të punojmë fort për ta perfeksionuar këtë vend.
“Natyra e fushatave është e vështirë, e zhurmshme e jo gjithmonë frymëzuese.
Për personat që hynë në politikë për herë të parë dhe u përballën me humbjen, dua t’ju them të kenë kurajë sepse çdo gjë ia ka vlejtur”.
Nga Shtëpia e Bardhë, përpara gazetarëve, mes tjerash Obama tha: Një herë humb një argument e një herë zgjedhjet. Unë i kam humbur më parë zgjedhjet. Kështu funksionon politika. Ndonjëherë përpiqemi t’i bindim njerëzit që kemi të drejtë, që ata të na votojnë e me pas humbim, që të mësojmë nga gabimet tona e të përpiqemi më shumë herën tjetër.
Shpagimi do jetë i vlefshëm për një demokraci funksionale. Kam besim se ky udhëtim i mrekullueshëm si popull amerikan do vazhdojë dhe presidenti i ardhshëm do jetë i suksesshëm.
Jemi të gjithë në të njëjtën skuadër. Faleminderit të gjithëve!/TV Klan.al
