Ish presidenti amerikan, Barack Obama, e ka kritikuar ashpër, Donald Trump, për mënyrën se si ka reaguar në menaxhimin e krizës së koronavirusit.
Në një konferencë në skype, ai e quajti mënyrën si u trajtua pandemia nga qeveria e SHBA-së si “një katastrofë absolute”.
Vërejtjet u bënë teksa Obama po inkurajonte ish stafin e tij që të punojnë për ekipin e zgjedhjeve presidenciale të Joe Biden, thotë CNN.
Gjatë konferencës, Obama u shpreh se se qasja e pasardhësit të tij republikan ishte thjeshtë të gjente të tjerë për t’i fajësuar për përgjigjen e SHBA-së ndaj koronavirusit.
“Kthehet në një katastrofë absolute kur strategjia zëvendësohet me fraza të tipit se “çfarë fitoj unë nga kjo” dhe “në djall shkofshin gjithë të tjerët”. Kur ky mentalitet funksionalizohet në qeverinë tonë është problem”, deklaroi ai.
Obama gjithashtu kritikoi me forcë vendimin për heqjen e akuzave penale kundër ish këshilltarit të Sigurisë Kombëtare, Michael Flynn.
Nga ana e saj, Shtëpia e Bardhë tha në një deklaratë se reagimi “i pashembullt” i Presidentit Trump kishte “shpëtuar jetën e mijëra amerikanëve”./Opinion.al
