Kryeministri Edi Rama i është përgjigjur një komentuesi ditën e sotme në rubrikën “Sy m’Sy”, i cili i ka shkruar në rrjete sociale:
”O t’ka ik hunda shtremër, vetëm ti mos fol për drogë.”
Përmes një video në rrjete sociale, Rama thotë se kockën e hundës nuk e ka drejtë, pasi sipas tij disa eksponentë të opozitës e kanë dhunuarnë vitin 1997.
“Në fakt jo i dashur Ardit, por po është e vërtetë që këtë kockën e hundës nuk e kam drejtë sepse pikërisht ajo katran partia që ta ka mbushur mendjen ty se unë jam drogaxhi, siç e shkruan, duke ta përsëritur disa herë derisa shpifja të duket si e vërtetë, ky quhet lavazh truri, ma ka thyer hundën bashkë me kafkën këtu mbrapa dhe më ka çarë dhe buzën këtu me leva dhe doreza hekuri. Ti mbase je i ri dhe se ke idenë e piramidave të Sudes dhe Rrapushit që ju grabitën shqiptarëve të gjitha kursimet me bekimin e katranit të madh të asaj partisë që të ka mësuar dhe ty që të thuash dhe të shkruash se unë jam drogaxhi.
Ishte viti 1997 dhe unë mblidhja firma nga shoqëria civile për një peticion për dorëheqjen e qeverisë së asaj kohe që të shmangej ajo katastrofë kur më dolën në pritë në mes të errësirës dhe baltës të tmerrshme të dimrit në Tiranën e asaj kohe, ishte Janar si tani dhe më lanë në rrugë mbuluar në gjak dhe të nesërmen, doli një klloun i katran partisë si puna e këtij Gazment ziut të sotëm dhe tha do të ketë qenë rrezik për punë të ndonjë femre. Epo s’ka më keq Ardit se të thuash për tifozllëk politik “fluturon gomari” duke u përdorur si top balte në luftën e pisët për pushtet të disa të tjerëve.
