Një sherr banal midis katër personave për pak sa ka përfunduar në mënyrë tragjike në Tiranë.
Ngjarja raportohet nga policia e cila bën më dije se ka ndaluar një shtetas 39 vjeçar, i identifikuar me inicialet B. B.
Shtetasi në fjalë është konfliktuar me tre persona të tjerë në rrugën “Zydi Herri” pranë Bregut të Lumit, ku më pas ka nxjerrë armën dhe ka qëlluar në ajër me armë zjarri.
Tashmë personi do të përballë përpara drejtësisë për veprat penale “Kanosje” dhe “Prodhim dhe mbajtje pa leje e armëve dhe municionit luftarak”.
Njoftimi i Policisë
“Ky shtetas në rrugën “Zydi Herri”, pas një konflikti ka kanosur tre shtetas duke qëlluar në ajër me armë zjarri “pistoletë”, e cila u sekuestrua në cilësinë e provës materiale”- njofton policia.
Materialet i kaluan për veprime të mëtejshme Prokurorisë së Rrethit Gjyqësor Tiranë. D. L
