Një tjetër pamje prekëse vjen nga Turqia, pas tërmeteve të së hënës që shkaktuan mijëra viktima dhe mijëra persona të tjerë të plagosur.
Një burrë u shpëtua në Hatay, pesë ditë pas tërmeteve shkatërrimtare. Mediat turke kanë publikuar dhe një foto që tashmë është bërë virale në rrjet, kur babai i të mbijetuari e puth atë në ballë pasi del nga rrënojat.
Një tjetër familje prej 6 anëtarësh, u nxorr e gjallë rreth 101 orë pas tërmetit shkatërrimtar që goditi Turqinë.
E teksa orët kalojnë pakësohen shpresat e ekipeve të shpëtimit për të nxjerrë nga rrënojat e ndërtesave të shkatërruara të mbijetuar nga tërmeti./Opinion.al
