“Fatkeqësia më e madhe është se rezultatet e këtij viti janë edhe më të ulëta se sa vitin e kaluar…”
Kështu, Zv.Ministrja e Arsimit Nora Malaj i referohet rezultateve të raportit kombëtar të vlerësimit të arritjeve të nxënësve, për klasat e treta dhe të pesta.
Në një intervistë për gazetën “Shqip”, Malaj sqaron se këto janë mangësi të mbartura.
Nga po ky raport rezulton se arritjet e nxënësve në qytet janë më të larta se të atyre në fshat.
Në bazë qarqesh, i pari në listën e më të mirëve për nga arritjet e nxënësve, renditet Berati, ndërsa qarku më i dobët është Fieri.
