Arjon Muçaj, një nga djemtë më të bukur që ka konkurruar në “Big Brother”, i cili e vijoi më tej karrierën e tij në televizion e momentalisht në radio, ka ngjallur mjaft kuriozitet edhe për jetën e tij private. Për një kohë të gjatë, ai ka qenë i lidhur me Viola Spiron, ish-velinë e “Fiks Fare” e më pas moderatore e emisioneve sportive.
Rreth tri vite më parë çifti u nda duke shkaktuar jo pak habi, sepse mendohej se ishin një çift i përsosur, ashtu siç ishte një mrekulli e vërtetë teksa shihje dy të rinj aq të bukur, bashkë. Viola, pak kohë pas ndarjes, u lidh me një djalë me të cilin tashmë ka një marrëdhënie të konsoliduar, ndërkohë që për Arjonin nuk dinim asgjë.
Edhe postimet e tij në rrjetet sociale janë kryesisht foto fashion ose momente pune. Por pak ditë më parë, vetë Arjoni ka hedhur një foto provokuese ku duket që një femër po e përqafon, por duke mos e treguar identitetin.
Arjoni tregon që është në Romë dhe vetëm kaq. Shpresojmë të na tregojë ndonjë gjë më shumë në ditët në vijim. Ose, përndryshe, do ta zbulojmë vetë./Panorama/
