Policia e Shtetit njofton se në 24 orët e fundit janë gjobitur 364 qytetarë të cilët nuk kishin vendosur maskë.
Po ashtu është ndëshkuar me 1.000.000 lekë një lokal që ushtronte aktivitetin në kundërshtim me protokollet e sigurisë.
Sipas të dhënave të policisë, janë ndëshkuar me gjobë dhe 12 persona që u konstatuan duke lëvizur në këmbë pas orës 22:00.
Gjatë kontrolleve janë shoqëruar në ambientet e Policisë në të gjithë vendin, 6 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë. / Opinion.al
