Gazetarja Oljana Maloku tha në emisionin “Opinion” se koronavirusi nuk ka ndikuar në importin e mallrave, ndërsa theksoi se nuk ka vend për panik, pasi tregu ka furnizime dhe rezerva me ushqime.
Maloku deklaroi se Shqipëria vijon normalisht importin e mallrave me Italinë dhe shteteve të tjera. Gazetarja shtoi se disa kompani kanë ulur prodhimin, gjë e cila mund të ndikojë në rritjen e çmimeve.
“Nuk ka vend per panik, janë të furnizuar dhe kanë gjëndje me ushqime dhe po vijon normalisht procesi i importeve. 100% janë funksional, madje këto ditë janë furnizuar edhe më shumë për t’u përgatitur për çfarëdolloj situata. Vazdon importi normal nga Italia i mallrave dhe i ushqimeve, të gjitha produketet që janë importuar dhe në ditët normale. Vijon importimi si nga Rumania, Bosnja etj. Vlen të qetësojmë opinionin publik, ushqime ka, rezerva dhe importet vijojnë normalisht. Në fakt ka kompani që mund të kenë ulur prodhimin e tyre dhe për këtë arsye mund të luajnë dhe me çmimin e tyre. Importi kryesor është nga Italia, nga 12 marsi deri më sot totali i mporteve është 17 mijë ton ushqime që kanë hyrë, Italia, Holanda, Kosova, Turqia etj. Nuk do të ketë pengesë në mallra. Vetëm nëse lindin probleme me kompani të ndryshme më pas. Nga Kina nuk kemi importe ushqimore. Ndërsa nga SME na thonë për mjetet të ndryshme që janë bërë porosi nga Shqipëri drejtë Kinës ka rifilluar ti përgjigjen interesit. Supermarketet kanë filluar që të mbyllen përkohësisht për ti shërbyer në një mënyrë tjetër. Duke ua çuar në shtëpi porositë e tyre, madje dhe falas. Kanë nisur edhe fermat për ta praktikuar këtë. Me ushqime deri tani që flasim jemi mirë”,-tha Maloku./ Opinion.al
