Duket se nuk ka më dyshime. Opozita është drejt rrugës përfundimtare të mos shkuarjes në zgjedhje. Këtë ka lënë të kuptohet të paktën në ligjëratën e tij Kryetari i Partisë Demokratike Lulzim Basha, i cili ndërsa ka falenderuar qytetarët që ju bashkuan kauzës së opozitës në çadër dhe jashtë saj, është shprehur se opozita nuk do të regjistrohet në zgjedhje, çka i jep fund edhe shpresave për arritjen e një marrëveshje me maxhorancën.
“Sot republika e vjetër s’është më zot i fateve të shqiptarëve, sot ndryshe nga 77 ditë më parë se ka lehtë ti shtypë, vjedhë e mashtrojë shqiptarët, se shqiptarët janë bashkuar dhe ushtria paqësore e republikës së re po nis marshin e saj të pandalshëm. Ne do marshojme te bashkuar qindra mijera shqiptare, ne do marshojme per republiken e re, qe brenda 4 viteve te para te republikes se re asnje pension mos te jete me pak se 250 mije eke te vjetra….Përballja e parë është të dielën në kryeqytetin e lirisë, të demokracisë në Kavajë. Nga Kavaja le të përhapet lajmi i mirë kudo se fasada e republikës së vjetër është tigër letre, grusht kriminelësh pushtetarësh të korruptuar, të dielën le ta mësoj cdo shqiptarë e cdo mik i huaj, dashamirësit e shumtë, le ta dinë se më 7 maj republika e vjetër rrëzohet në Kavajë. Le të bashkohemi të dielën në bashkimin më të madh popullor, në përballjen paqësore që do të shënojë simbolikisht rënien e republikës së vjetër dhe themelin e parë të republikës së re Nuk do të lejojmë krimin, drogën, Roshin dhe kaposhin të nëpërkëmbin Kavajën ne do të jemi të gjithë aty, e të diktojmë agimin e republikës së re. Tregojuni botës dhe vendit ku do jemi ditën e dielë, ku vendoset liria, ku vendoset demokracia”, tha Basha
Në qindra takim të tjera, ajo që nuk pranohet si argument i mirëqenë sot është fakt i certifikuar falë qëndresës suaj, falë këtij bashkimi, zëri juaj i bashkuar, e vërteta juaj është sot e vetmja e vërtetë që njeh Amerika, Evropa dhe mbarë bota. E gjithë bota e di se zgjedhje të lira ku qytetarët të shprehin vullnetin e tyre pa asgjësuar problemin e krimit në pushtet dhe drogës s’mund të ketë zgjedhje, bota e di se krimi dhe droga janë projekti politik i qeverisë dhe kryeministrit fasadës, gjithë bota dhe cdo shqiptar e di se zgjidhje mund të vijnë vetëm duke marrë në dorë fatin e zgjedhjve me një qeveri teknike që do luftojë krimin dhe drogën.
Sot nga kjo agorë nga ky bashkim i madh qytetar është rasti të shpreh mirënjohje të thellë ndaj cdokujt qytetar dhe faktor politik që qëndruam bashkë në këto 77 ditë, javë pas jave duke rrëzuar fasadën e republikës së vjetër, vendosëm se zgjedhje pa opozitën s’ka e s’mund të ketë, opozita qëndroi e bashkuar, sic ju dha fjalën ju dhe këtij bashkimi të madh qytetar, opozita refuzoi regjistrimin në një fasadë të shëmutar elektorale të diktuar nga krimi dhe droga. Të përballur me forcën tonë, edhe partitë qeveritare s’ja dolën të regjistronin koaliconin e tyre dhe sot një gjysmë koalicioni i shpërndarë si zogjtë e korbit është prova më e qartë bashkë me dështimin për t’u regjistruasr në afat,
se 18 qershori ka rënë politikisht, moralisht dhe ligjërisht.
Ndonëse rënia morale politike dhe ligjore sot është një fakt i konfirmuar nga të gjithë, republika e vjetër po bën gjithcka ta ndalë apo ta ngadalësoje vrullin e bashkimit popullor që është nisur drejt destinacionit tonë përfunduimtar, republika e re, ata janë një grusht njerëzisht me në krye Ramën, janë Roshët dhe Bushët me shokë, kriminelë dhe politikanë të korruptaur të cilët në vetëm 3 vjet ju vodhën vetëm nga buxheti 2.8 miliardë euro…” tha Basha
