Shkolla e Magjistraturës bën me dije se ka shpallur listën përfundimtare të konkurrentëve që do të vijojnë fazën e dytë të provimit të pranimit.
Nëpërmjet një njoftimi në rrjetet sociale, Shkolla e Magjistraturës u komunikon konkurentëve edhe datat e provimeve për fazën e dytë.
Në këtë mënyrë përjashtohet mundësia e realizimit të kërkesës që erdhi dje nga kandidatët për prokuror.
Kujtojmë se ditën e djeshme kandidatët për prokuror në shkollën e Magjistraturës u mblodhën në protestë ku kërkoni anulimin e fazës së parë të provimit për shkak të një sër problematikash që ishin shfaqur gjatë zhvillimit të kësaj faze.
Njoftimi:
Mbi listën përfundimtare të konkurrentëve të kualifikuar për të marrë pjesë në fazën e dytë (testin profesional) të provimit të pranimit në profilin gjyqtar/prokuror/ndihmës ligjorë në Shkollën e Magjistraturës për vitin akademik 2024-2025 dhe datën dhe orën e zhvillimit të provimit
Shkolla e Magjistraturës, në përfundim të procesit të vlerësimit të ankesave, bazuar në Rregulloren e Brendshme të Shkollës së Magjistraturës, shpall listën përfundimtare të konkurrentëve që do të vijojnë fazën e dytë të provimit të pranimit.
Faza e dytë e provimit të pranimit do të zhvillohet në dy ditë, konkretisht:
Dita e parë e fazës së dytë të provimit:
Datë 25 prill 2024, ora 8.00, në ambjentet e Parkut Olimpik, Salla “Feti Borova”, Tiranë
Dita e dytë e provimit të pranimit:
Datë 29 prill 2024, ora 11.00, në ambjentet e Parkut Olimpik, Salla “Feti Borova”, Tiranë.
Rikujtojmë se faza e dytë e provimit të pranimit zhvillohet në dy ditë të ndryshme, ku, ditën e parë, zhvillohet provim mbi 5 (pesë) teza, ndërsa në ditën e dytë, zhvillohet provim mbi 3 (tre) raste praktike nga e drejta civile, e drejta penale dhe e drejta administrative.
