Ministri i Jashtëm i Shqipërisë, Igli Hasani gjatë konferencës së përbashkët me homologen e Kosovës, Donika Gërvalla u shpreh se Shqipëria do jetë një aleat i përjetshëm për Kosovën..
Hasani kishte një mesazh për të gjithë faktorët që jetojnë në shekullin e XXI, që siç u shpreh ai nuk i çohet ushtria në kufi fqinjit.
Ministri deklaroi se garancia për integritetin territorial të Kosovës është NATO.
“Kosova ka një aleat të përjetshëm që është Shqipëria. Në çdo rast, në të mirë dhe të keq, Shqipëria do jetë këtu pranë Prishtinës dhe gjithë shqiptarëve të Kosovës. Ne i ndjekim me vëmendje zhvillimet në rajon dhe në kufi të Kosovës. I bëjmë thirrje të gjithë faktorëve që jetojnë në shekullin e XXI, nuk i çohet ushtri fqinjëve në kufi, por askush nuk duhet ta vazhdojë këtë lojë se është qesharake. Garancia për integritetin e Kosovës është NATO, ku dhe Shqipëria është pjesë”, tha Igli Hasani.
