Mauro Ikardi është zgjedhur futbollisti më i mirë i Serisë A, për muajin tetor. Performanca fantastike me Interin, i ka siguruar kapitenit zikaltër këtë çmim, mëse të merituar.
Interi arriti të siguronte 3 fitore në kampionat, gjatë muajit tetor dhe padyshim meritën më të madhe e ka pasur Ikardi, i cili shënoi 5 gola në këto 3 ndeshje.
Argjentinasi triumfoi në finish ndaj mesfushorit të Napolit, Alan, duke fituar çmimin e akorduar përmes votave në rrjetet sociale për AIC.
