Një murgeshë me aftësi të kufizuara nga Teksasi u dëbua nga manastiri i saj për shkak të thyerjes së zotimit të saj për dëlirësinë, por ndërsa ajo pranon se kishte lidhje me një prift. Sipas saj ata kurrë nuk kishin pasur intimitet.
Nënë Teresa Agnes Gerlach, 43 vjeçe e cila përdor një karrocë me rrota dhe tub ushqimi – dyshohet se theu betimin e saj të dëlirësisë në manastirin që ajo drejtonte në Arlington.
“Kam bërë një gabim të tmerrshëm, të tmerrshëm,” tha Gerlach. “Unë nuk isha mirë nga mend,” i tha ajo peshkopit Majkëll Olsonit, ndërsa ai e merrte në pyetje.
“Edhe një murgeshë mund të gabojë,” tha ajo.
Gerlach u dëbua nga manastiri që drejtonte në Arlington, Teksas pasi hetimi zbuloi marrëdhënien e saj me priftin Bernard Marie.
Ajo ka ngritur një padi prej 1 milionë Dollarësh ndaj peshkopit dhe dioqezës duke i akuzuar për cenim privatësie, sekuestrim të mjeteve elektronike dhe njollosje të figurës.
Ajo shprehet se drejtuesit e kishës thanë se ajo theu betimin duke anashkaluar faktin që nuk ka kryer marrëdhënie seksuale me priftin si dhe janë kapur pas një deklarate të saj se në një muaj i ishte vonuar cikli menstrual.
Gerlach tha se nuk është murgeshë e shthurur, madje këmbëngul se kishte rënë në dashuri me priftin dhe kishte kaluar kriza që ndikuan në gjykimin e saj. Gjatë një regjistrimi që u luajt në seancën dëgjimore, murgesha pranoi se situata ishte nxehur në telefon dhe në videothirrje, por nuk ishte takuar kurrë me priftin./Opinion.al
