Një nga spektaklet më të suksesshme të Televizionit Klan ka përfunduar mbrëmjen e djeshme pas 10 javësh transmetim, bëhet fjalë për “‘C’est la vie”, ku si fitues u kurorëzuan Kristi Karkanaqes dhe Lind Islamit të cilët në fund ishin në konkurrim me Orin dhe Anxhelën.
Ori dhe Anxhela Peristeri ishin konkurente të forta për të fituar çmimin e madh, por në fund trumfoi dyshja e Kristi Lindi.
Sot Anxhela me anë të një postimi në Instagram edhe pse nuk mori kupën ka bërë një dedikim tepër special dhe pozitiv, ajo shkruan se ndjehet fituese dhe se eksperienca në “C’est la vie” ishte e mrekullueshme me Ori Kuçin.
“Kjo eksperience me ty Ori Kuçi ishte e mrekullueshme !Je nje njeri i bukur dhe një këngëtare e përkryer! Sa shume fituese ndihem, Adi, Pandi dhe Bledi ju falenderoj nga zemra per kete kujtim kaq te bukur, per kte spektakel dhe per energjine aq pozitive qe mbizoteronte!”, shkruan Anxhela./Opinion.al
