“Ai nuk ka pasur asnjë punë me mua sepse nuk ishte shefi im, që të më jepte urdhra”. Këto mësohet të kenë qenë fjalët e 41-vjeçarit Filip Shehu përpata gjykatës, i cili dyshohet se vrau me thikë kolegun e tij, Indrit Ismaillari, në një lokal në zonën e Komunës së Parisit.
Ndër të tjera, picieri 41-vjeçar ka deklaruar se viktima mbante thikë dhe I drejtohej me fjalët: “Nuk e çaj kokën fare për ty”.
Shehu tha se për vdekjen e 34-vjeçarit ishte informuar vetëm një ditë më parë, pasi mendonte se vetëm e kishte plagosur.
Gjykata ka vendosur masën e sigurisë arrest me burg, ndërkohë që avokati mbrojtës ka pretenduar se ngjarja ka ndodhur në kushtet e tronditjes së rëndë psikike dhe se klienti i tij ka 13 vite që kurohet për çrregullim bipolar, duke paraqitur edhe dokumentat e kurimit që prej vitit 2013.
Avokati kërkoi shtrim të detyrueshëm në spital psikiatrik si masë sigurie dhe kryerjen e një ekspertize për shëndetin mendor.
