“Nuk mund të takoj nipin tim. Nuk ka më sens të jetoj kështu”. Me këto pak rreshta të shkruara në një letër është mbyllur lamtumira e një të moshuari në Savona të Italisë, i cili pas shumë ditëve në karantinë është hedhur nga dritarja e shtëpisë. Lajmin e bën me dije angjencia italiane Ansa, e cila shkruan se në fakt më herët edhe dy të moshuar të tjera në Savona janë vetëvrarë për shkak të izolimit dhe pamundësisë për të takuar miqtë e tyre apo për të dalë.
“Nuk duhet të ndjeheni të vetmuar, është një fazë që do të kalojë” është shprehur Carlo Vittorio Valenti, drejtor i departamentit të sëmundjeve mendore në Savona. “Të moshuarit mund të ndjehen të demoralizuar në këtë periudhë, nuk mund të takojnë nipërit e tyre, por do të vijë dita dhe do ta bëjnë sërish”, tha ai./Opinion.al
