Deputetja Rudina Hajdari, e cila doli kundër Partisë Demokratike, rrëfen përse nuk dogji mandatin e deputetit.
E ftuar në News24, Hajdari tashmë e rreshtuar kundër vendimit të grupit paralamentar të PD, është shprehur se nuk e dogji mandatin, pasi ajo përfaqëson popullin në Kuvend.
Deputetja është shprehur se për vendimin e saj është konsultuar më herët me ndërkombëtarët dhe me familjen e saj.
“Mu desh kohë ta merrja. Arsyetova me veten se ku do më çonte ky vendim, çfarë kosto do kishte për vendin. nuk e mendova në asnjë moment se çfarë kostoje do kishte për mua. Më thanë që duhet të pozicionohesh mirë në PD nëse do një karrierë të gjatë politike dhe unë hezitova e thashë nuk është kjo arsyeja përse jam këtu.
“Ishte një vendim shumë i vështirë. Nuk është personal por ka të bëjë me interesin e Shqipërisë. Po patjetër që e mora vetë. Patjetër që jam konsultuar. Jam konsultuar me familjen time, nuk është e thënë se kanë qenë pro. Me njerëz të afërt e partnerë ndërkombëtarë”, ”, u shpreh deputetja Hajdari./ Opinion.al E.Xh.
