Eventi muzikor “Top Awards” duket se do të bojkotohet nga shumë artistë shqiptarë. Babastars të nominuar në disa kategori të rëndësishme, kanë vendosur të mos bëhen pjesë e këtij shoë. Vendimit të tyre duket se do ti bashkangjiten edhe kolegët 2Ton dhe 2po2, madje ky i fundit ka deklaruar se sonte do të publikojë një këngë në shenjë revolte për këtë spektakël.
Të tjerë emra si Soni Malaj, Samanta Karavella, Enca Haxhia, Dhurata Dora, etj nuk do të jenë pjesë e këtij shoë.
Bojkot do të kemi edhe nga dy anëtarët me potentë të labelit Threedot’s, Elvana Gjata dhe Flori Mumajesi, të cilët edhe pse kanë marrëveshje me “My music” dhe janë nominuar në disa kategori nuk do të jenë sonte në sallën e pallatit të Kongreseve.
Një tjetër emër “big” i muzikës shqiptare, Dafina Zeqiri nuk ka marrë fare mundimin të vijë nga Amerika në Tiranë, për të qenë e pranishme në këtë koncert.
Mos të flasim pastaj për të “pakënaqurit” (ata që u lanë jashtë Top Awards) si Genta Ismajli, Genc Prevlukaj, Adrian Gaxha, etj, të cilët janë shprehur të pakënaqur me mënyrën e përzgjedhjes së këngëve në këtë shoë.
