Ҫiljeta është një nga artistet më të suksesshme shqiptare, me shumë vite në skenë duke i ofruar publikut shumë hite dhe klipe të panumërta. Ajo ka marrë pjesë në një sërë kompeticionesh muzikore, ka qënë pjesë e Miss Shqipëria e gjithashtu ka provuar kinematografinë. Mamaja e Fernandos së vogël ka qënë e ftuar në emisionin e pasdites ‘Rudina’.
Ajo ka folur gjatë për familjen, karrierën, dhe projektet e reja muzikore si dhe dashurinë e saj të parë. Këngëtarja ka rrëfyer për Rudina Magjistarin se dashuria e saj e parë ka qënë Ricky Martin. Ky i fundit ka nisur karrierën që në moshën 12-vjeçare dhe ka qënë gjatë një nga seks simbolet e showbizit. Ai ka qënë në një lidhje të gjatë me prezantuesen e njohur Rebeça de Alba, por më pas u ndanë. Në vitin 2008 ai u bë baba i dy fëmijëve nga një nënë surrogate dhe në vitin 2000 deklaroi publikisht homoseksualitetin. Aktualisht Martin planifikon martesën me të dashurin Jwan Yosef.
